आमा
शब्दहरुमा,
मौन भाषाहरुले बोलिरहेको,
प्रेमील वचनहरु,
यादगार बनेर बाचिरहने,
सीमाहिन ममताका छालहरु ।
एकसाथ,
घुम्ती र मोडहरुमा,
नागवेली भएर बगिरहदा,
दर्शाइरहने अटुट माया र भरोसा,
विशाल, निस्वार्थ र असीम प्रेम।
बाच्नुको अर्थ,
आत्मीयता को तत्ववोध,
नसिकाएर नि सिकाइरहने,
केवल उहाँमा समर्पित,
अन्जुलीभरीको श्रद्धा।
मौन भाषा,
मौन अभिव्यक्ति
मनैबाट बोलिरहन्छु,
विशुद्द हृदयलाई छोएर,
जुनसुकै समय,
आमा ! प्यारी आमा ! !
Comments